នៅព្រឹកថ្ងៃទី១៩ ខែឧសភា ឆ្នាំ២០១២ ដែលជាថ្ងៃទី២នៃការឃោសនាបោះឆ្នោតក្រុមប្រឹក្សា ឃុំ-សង្កាត់អណត្តិទី៣ សម្តេចក្រុមព្រះ នរោត្តម រណប្ញទ្ធិ ព្រះប្រធានគណបក្ស នរោត្តម រណប្ញទ្ធិ បានយាងចុះសាកសួសុខទុក្ខ និងសំណេះសំណាលជាមួយសមាជិក-សមាជិកា ដែលមកតំណាងស្រុកទាំង៦ ភាគខាងត្បូងនៃខេត្តព្រៃវែង មានស្រុកព្រះស្តេច, ស្រុកបាភ្នំ, ស្រុកកំពង់ ត្របែក, ស្រុកមេសាង, ស្រុកពាមរក៍, ស្រុកពាមជរ៍ ដែលមានចំនួនប្រមាណ១០០០នាក់។ អមព្រះដំណើរដោយឯកឧត្តមព្រឹទ្ធបុរស ឈឹម សៀកឡេង, ឯកឧត្តមអគ្គរង និងមន្រ្តីថ្នាក់ ដឹក នាំជាច្រើនរូបទៀត។ នៅក្នុងពិធីនោះដែរសម្តេចក្រុមព្រះបានមានបន្ទូល សុំឲ្យសមាជិក- សមាជិកា ដែលជាសកម្មជននៃគណបក្ស ក្នុងឱកាសនៃការឃោសនាមេត្តា ចុះដល់ផ្ទះបងប្អូនប្រជាពលរដ្ឋ និងពន្យល់បង្ហាញបងប្អូនប្រជាពលរដ្ឋ នូវសម្ធិផល និងស្នាព្រះហស្ថរបស់     សម្តេចក្រុមព្រះដែលបានធ្វើជូនជាតិមាតុភូមិ ហើយសូមបោះ ឆ្នោតថ្វាយសម្តេចក្រុមព្រះ។